雞仔去骨海南雞專門店

營業中

休息中

多次幫襯雞仔了，之前都係買外賣多，今次就試吓堂食先。招牌海南雞飯的一人餐海南雞色澤鮮黃，冇骨啖啖肉，雞肉算嫰滑，雞皮爽口，以咁嘅價錢，雞嘅份量算係多。油飯個人覺得太乾身和硬，隨碟配上三個醬汁（包括黑醬油、泰式辣汁同薑蓉），個人覺得黑醬油+泰式辣汁一齊係最好食。油菜味道正常發揮，一人份量尚算足，菜心都淋。送嘅椰子湯最有驚喜，初時以為例湯都係無咩味，點知飲落有椰香，又唔錯喔！個日發生小插曲，叫咗杯凍阿華田，嚟到飲咗一啖，淡到似飲水咁，立即同咗侍應姐姐反映，佢都即刻幫我換個杯，點知第二杯都係差唔多，奉勸各位如果叫嘢飲，唔好叫凍華田喇。以咁嘅價錢，咁嘅份量，質數算係合格，應該會再嚟。