Pizza Maru (荃新天地)

營業中

休息中

今日老細又請食飯 大家都話想食pizza 於是就嚟到荃新天地嘅呢間韓式pizza店 pizza maru韓風蟹肉塔 蟹肉用咗沙律醬去調味酸酸甜甜得嚟仲有蟹肉嘅鮮甜味 入面加咗椰菜絲同牛油果令成個蟹肉塔味道更加豐富蜂蜜牛油炸雞 炸雞個皮脆卜卜 上面有蜂蜜牛油粉 令嚿雞嘅炸皮都唔會冧咗 牛油味香濃重甜甜地一啲都唔油膩 入面嘅雞肉嫩滑多汁主角pizza就叫咗肉食五行 餅底用咗黑麥麵團去做 有小麥嘅香氣又特別煙韌 上面有幾種唔同嘅配料包括 牛小排 法蘭克福腸 韓式烤肉 粟米 煙燻雞肉 極之豐富到完全見唔到餅底 啖啖都係餡料嘅感覺 個人最喜歡韓式烤肉 醬汁夠特別牛肉味香濃食物都偏向重口味 梗係要飲返杯蜂蜜柚子梳打 甜度適中十分解渴