29 Coffee

營業中

休息中

一直想試29嘅咖啡，但地點太遠，今日終於等到佢喺上環開咗第二間分店，可以同朋友一齊去嘆下。隔住口罩都聞到咖啡嘅香氣，喺復活節嘅清早喚醒左我嘅靈魂。Flat white啡味濃厚，after taste有回甘的味道。跟女咖啡師閒談間得知，佢喺29歲想開一間 coffee shop，終於係29+1做到了。喺近期社會氣氛及疫症蔓延下，佢開咗呢間第二間分店，真係好佩服佢嗰份熱誠。呷一口咖啡，更加感受到那股夢想和堅持。當生活充斥著種種的壓力，好想大叫嘅時候，不妨除下口罩，到29呷一口啡呼吸一口氣，解解近期嘅鬱悶，在疫情下支持下有夢想的年青人。相信喺29買到嘅，絕對唔係淨係一杯咖啡，亦都可以喚醒自己去想想未來嘅方向。