影片
更多
2011-07-29
今日17:00比公司會計部既阿頭 “的” 左我陪佢落中環交D急件比間會計firm….E…真係唔係咁想去囉….又掛緊1號波兼冇得準時收工返家喎…T_T…但見會計部阿頭平時咁好人，又見under佢既會計文員同事請左假，似乎都冇得say no囉………18:45去到間firm交完野啦，但原來已經掛緊3號波啦…..歸家似箭呀！但阿頭話既然出到來，食埋dinner先返歸啦，唔通遊車河嘛！佢話上個weekend都想去附近間拉麵店試下架啦，最多由佢請客啦！佢一輪嘴咁講又一邊帶緊我去間野既路線，似乎我又係冇得say no啦…….15mins左右去到。喔~原來叫秀拉麵！地方擺設都幾有日本式既味道，尚算清潔！可能時間尚早，麵店唔太多人喎！阿頭似乎好肚餓，已急不及待劃緊紙仔叫咩食好。Hey！都幾細心，可以比客人自選配料，連麵既硬度都有得揀架！但食物種類唔多囉~拉麵主要3款，撈麵2款，小食都好似得兩三款，真係唔算多囉！最後，阿頭叫左赤秀撈麵加左$5要半隻半熟蛋；我就叫左白秀拉麵，冇再加配料；拉麵硬度我地2人都揀左中，之後加多左碟煎餃子(+$10要明太子沙律醬)。等左10mins左右(都唔算耐)，阿頭個赤秀撈麵來
18:45去到間firm交完野啦，但原來已經掛緊3號波啦…..歸家似箭呀！但阿頭話既然出到來，食埋dinner先返歸啦，唔通遊車河嘛！佢話上個weekend都想去附近間拉麵店試下架啦，最多由佢請客啦！佢一輪嘴咁講又一邊帶緊我去間野既路線，似乎我又係冇得say no啦…….
15mins左右去到。喔~原來叫秀拉麵！地方擺設都幾有日本式既味道，尚算清潔！可能時間尚早，麵店唔太多人喎！阿頭似乎好肚餓，已急不及待劃緊紙仔叫咩食好。Hey！都幾細心，可以比客人自選配料，連麵既硬度都有得揀架！但食物種類唔多囉~拉麵主要3款，撈麵2款，小食都好似得兩三款，真係唔算多囉！
最後，阿頭叫左赤秀撈麵加左$5要半隻半熟蛋；我就叫左白秀拉麵，冇再加配料；拉麵硬度我地2人都揀左中，之後加多左碟煎餃子(+$10要明太子沙律醬)。
等左10mins左右(都唔算耐)，阿頭個赤秀撈麵來左啦！wow~用來撈麵既湯面上有層辣椒油囉，吃唔到辣既我見到都覺辣呀！但阿頭話個湯都幾濃味，加上辣椒油既刺激，都幾惹味，又唔會辣到入唔到口喎！但佢就嫌隻蛋唔係好溏心feel喎…..
而我既白秀拉麵都來左啦，賣相都幾豐富，有幾片义燒、蔥、木耳、紫菜….而白秀即豬骨湯底！湯底都比較偏濃，但食落唔太味精感重，都算係咁啦!义燒係有得揀腩肉定豬肩肉，我揀左豬肩肉！所以唔太肥膩，都幾爽ge！
而我同阿頭都覺得麵條既中硬度都略為硬左d(>>唔通係人地所講既彈牙？)，下次有機會再食時，硬度要揀軟試試先！
好啦！呢個時候，明太子沙律醬既煎餃子都來埋啦！煎得幾均勻喔，熱呼呼當然要趁熱食呀！皮煙韌得來脆脆地，略嫌入面既餡乾左d，好彩有配下沙律醬，黏埋又幾惹味，唔錯！
食飽飽又係埋單時候，阿頭請客，around $220幾。不過間野真係幾貴，平均要$75-$90一碗麵，但中環呢d地區來講又好似要係咁上下呢！哈哈~都要多謝阿頭，冇佢都唔知幾時先幫襯下呢間拉麵店，但佢又令到我遲左歸家，真係對佢又愛又恨！呵呵….
張貼