嫲嫲雲吞雞 (崇齡大廈) (已結業)

偶然在新蒲崗發現呢間「嫲嫲雲吞雞」，價錢便宜但有質素，堪稱糧尾佳選也。此店午市同晚市都頗多人幫襯，選了一個剛好晚市開始的時段來到，我又只有一個人，因此不用等位，但坐下十分鐘後已爆棚了。既然店名中有雲吞雞，應是招牌菜吧。叫了一個$49的花旗參螺頭雲吞雞燉湯，細細盅但感覺好足料，雞都差不多有四分一隻，雪味不太明顯，螺頭則有兩、三粒，雲吞就比較細粒，而整體味道亦濃淡相宜，喝後十分舒服暖身，應沒有下味精。我好欣賞此店價錢算合理，更重要的是小菜可叫半份，啱晒我這些獨食而想叫多個餸的客人。這次叫了黃金豆腐及賽螃蟹各半份，豆腐雖有一兩舊黐在一起，但整體上都合格有餘，尤其那些鹹蛋黃頗為惹味。至於賽螃蟹買相不俗，看起來真的似蟹肉，唯調味略嫌清淡了少許。呢餐加埋碗白飯，全餐共計$120，但感覺豐盛，抵食也。