葡匯咪走雞葡國餐廳 (已結業)

本身諗住喺香港搵間葡國餐廳食，因為太耐冇去過澳門🤣見到呢間好似啲食物唔錯就book咗去食，點知非常失望。一早已經唸好要食咩，坐底就order咗，上野食都幾快。叫咗lunch set有湯跟，個湯味道唔錯，但就喺入面搵到隻死咗嘅蟲仔😓（唔記得影低佢）。同個侍應講，佢一句唔好意思都冇，仲好似好唔信覺得我哋係要呃佢碗湯.....lunch set係乳豬同肥仔飯，有啲凍同味道好一般。另外叫咗小食拼盤，係成餐飯最好食嘅一樣嘢。最難食嘅係個蒜蓉炒雜菜，成碟都係瓜、椰菜花同西蘭花🥦，淡而無味。總括嚟講，間餐廳態度唔好，嘢食都唔好食，一定唔會再幫襯🥵。