十六座車仔麵 (已結業)

好幾年前有明星捧場既車仔麵店，今日同老公行經既時候見到入面得小貓三四隻，一於就入去幫襯下，振興下經濟。太耐冇食呢到既車仔麵，原來依家都有菜底選擇，岩晒減緊肥既我，佢有通菜同芽菜選，我就選咗芽菜再加3餸，叫咗食車仔麵必食既蘿蔔，雲耳同鮮牛肉 ; 蘿蔔超入味，好鮮甜，反邢牛肉一般，佢個名叫鮮牛肉但唔係好香牛味，同埋芽菜底比想像中小，以我街市買開餸既經驗，呢到最多得$4既份量。另一碗叫咗佢地自家製既芫茜麵配4餸，依家叫4餸仲會送汽水一罐，雖然送既汽水係mini size，但反正都想試下佢其他唔同餸就叫咗4餸了。 芫茜麵配咗豬紅、冬菇、雞翼同咖哩魷魚。芫茜麵好彈牙好有口感，但芫茜味唔太重，豬紅、冬菇、咖哩魷魚都冇得頂，全部都好入味，冬菇夠淋好香菇味，但反而雞翼就冇咩味><總結，平時係車仔麵店叫既餸呢到都絕對要叫黎試，自家製既麵亦都值得一試