Mee...lemongrass (將軍澳中心) (已結業)

呢間小弟早兩年係坑口分店食過，將軍澳新開時都食過，印象中喇沙係幾好味，所以價錢唔平今日都諗住再試下。分別叫左炭燒豬扒喇沙飲泰式奶茶（$78+$2）肉骨茶湯麵（$68），點知一黎個湯已經出事，死死實實既啡色，完全冇正常喇沙湯既顏色，飲落又冇椰奶喇沙味，都唔知咩湯黎，第二，果幾舊豆poke勁大陣油益味，成舊吐返出黎，最後果塊都唔係炭燒豬扒黎，係油浸豬扒！碟底全部都係油。不過個肉骨茶同泰式奶茶味道係正常嘅。簡單講，個喇沙真係退步左好多，呢家直頭係唔好食，不過都多人幫襯，可能其他菜色都正正常常。