影片
更多
2021-12-06
1017 瀏覽
一直以嚟都好想試呢間主打養生米線嘅鋪頭，不過次次午市行過都比佢個條長長嘅人龍嚇怕。個晚見咁啱夜晚8點左右收工，就諗住去撞下彩，睇下可唔可以排到隊食下養生米線。好好彩，個晚去到門口都係得2個人等緊位，即刻決定個晚嘅晚餐就係呢間餐廳度解決。排咗大概15分鐘隊就入得去，雖然餐牌上有好多唔同口味、好吸引嘅米線款式，但個晚真係好想食麻油雞，所以即刻落單叫咗碗藥膳麻油雞米線。落咗單無耐，大概5分鐘左右，一碗好大碗、熱辣辣嘅藥膳麻油雞米線就送到枱上。碗米線一放低喺枱面上，一浸好香嘅麻油同紅棗味即刻撲埋個鼻到，同時視覺上亦都被出手大方、份量十足嘅紅棗震撼到！第一啖試飲啲湯底，雖然就咁望落去碗湯好似好油咁，但飲落去一啲都唔覺得油膩，紅棗、桂圓同枸杞味好重，亦令到啖湯恰到好處咁甜，成啖湯好順暢咁就吞咗落食道。雞就有4件，肉質非常嫩滑，唔會覺得乾爭爭或者鞋口，好易咬開啲肉，雞肉味都足。米線就不過不失，都尚算彈牙。於是乎，一碗咁大碗嘅米線就比我一啖湯、一啖米線、一啖紅棗、再一啖雞肉咁喺15分鐘之內解決咗。雖然碗米線入面有好多紅棗，但成碗米線真係好食到我唔想停口，最終我將啲紅棗全部食哂，一粒都無放過。概括嚟講
個晚見咁啱夜晚8點左右收工，就諗住去撞下彩，睇下可唔可以排到隊食下養生米線。好好彩，個晚去到門口都係得2個人等緊位，即刻決定個晚嘅晚餐就係呢間餐廳度解決。
排咗大概15分鐘隊就入得去，雖然餐牌上有好多唔同口味、好吸引嘅米線款式，但個晚真係好想食麻油雞，所以即刻落單叫咗碗藥膳麻油雞米線。
落咗單無耐，大概5分鐘左右，一碗好大碗、熱辣辣嘅藥膳麻油雞米線就送到枱上。
藥膳麻油雞米線
$66
70 瀏覽
0 讚好
0 留言
碗米線一放低喺枱面上，一浸好香嘅麻油同紅棗味即刻撲埋個鼻到，同時視覺上亦都被出手大方、份量十足嘅紅棗震撼到！
第一啖試飲啲湯底，雖然就咁望落去碗湯好似好油咁，但飲落去一啲都唔覺得油膩，紅棗、桂圓同枸杞味好重，亦令到啖湯恰到好處咁甜，成啖湯好順暢咁就吞咗落食道。
雞就有4件，肉質非常嫩滑，唔會覺得乾爭爭或者鞋口，好易咬開啲肉，雞肉味都足。米線就不過不失，都尚算彈牙。
於是乎，一碗咁大碗嘅米線就比我一啖湯、一啖米線、一啖紅棗、再一啖雞肉咁喺15分鐘之內解決咗。雖然碗米線入面有好多紅棗，但成碗米線真係好食到我唔想停口，最終我將啲紅棗全部食哂，一粒都無放過。
概括嚟講，呢碗係一碗色香味俱全嘅藥膳麻油雞米線，食完之後，成身都暖lup lup，生理上同精神上都非常滿足！
真心十級推介呢間餐廳，啱哂啲鍾意食藥膳米線嘅吃貨，絕對會搵日再嚟食埋其他養生米線!
題外話/補充資料：
P.S. 晚市嘅時候，成個樓面都係得一個姐姐負責哂，招呼客、落單、上菜、收銀同執枱全部一腳踢，仲要服務態度keep 住咁好，完全無黑面，真係無得頂！絕對係模範員工！
(以上食評乃用戶個人意見 , 並不代表OpenRice之觀點。)
張貼
