影片
更多
2022-07-21
85 瀏覽
一到月尾糧尾就要周圍搵性價比高嘅餐廳食，放工去旺角就發現咗呢間紅橋。先講總結，兩個人埋單$230，好味不得止，份量仲多到要打包，大力推薦俾糧尾打工仔🫶🏻餐廳環境乾淨，侍應服務態度好nice，遞水收碟好快手。我哋叫咗兩個晚市套餐，包前菜沙律、餐湯、主菜、飲品，全部唔過$100。沙律竟然有三文魚，有成2至3塊，估佢唔到。我哋叫咗一個中湯一個西湯，中湯係節瓜湯，勁大嚿節瓜同肉，幾清甜。西湯就係忌廉蘑菇湯，裡面有粟米同肉，正常味。西班牙汁芝士雞扒焗飯($78)一上枱俾佢個份量嚇親，大過部iPhone 11，連男人都食唔晒。個汁好特別，唔係平時大x樂嗰種，芝士畀得超足料，啖啖都有，雞扒都幾林，呢個價錢絕對收貨。羅勒醬軟殼蟹意大利粉($98)擺盤勁靚，同出面高級餐廳有得揮，記得食嗰陣一定要撈匀，有超多汁喺底，好creamy。總共有3嚿軟殼蟹，炸得好脆。由於太大份，變埋我聽日Lunch，翻叮一樣咁好食。芝麻蝦多士 2件($18)呢個一定係招牌菜！炸得好脆，蝦肉又多，配埋煉奶我可以一個人食幾嚿，好邪惡。蜜椒單骨雞翼 6隻($22)雞翼有成6隻，整體味道不錯，唯獨覺得蜜糖太多，有小小heavy。紅豆冰
餐廳環境乾淨，侍應服務態度好nice，遞水收碟好快手。我哋叫咗兩個晚市套餐，包前菜沙律、餐湯、主菜、飲品，全部唔過$100。
沙律竟然有三文魚，有成2至3塊，估佢唔到。我哋叫咗一個中湯一個西湯，中湯係節瓜湯，勁大嚿節瓜同肉，幾清甜。西湯就係忌廉蘑菇湯，裡面有粟米同肉，正常味。
西班牙汁芝士雞扒焗飯($78)
一上枱俾佢個份量嚇親，大過部iPhone 11，連男人都食唔晒。個汁好特別，唔係平時大x樂嗰種，芝士畀得超足料，啖啖都有，雞扒都幾林，呢個價錢絕對收貨。
羅勒醬軟殼蟹意大利粉($98)
擺盤勁靚，同出面高級餐廳有得揮，記得食嗰陣一定要撈匀，有超多汁喺底，好creamy。總共有3嚿軟殼蟹，炸得好脆。由於太大份，變埋我聽日Lunch，翻叮一樣咁好食。
芝麻蝦多士 2件($18)
呢個一定係招牌菜！炸得好脆，蝦肉又多，配埋煉奶我可以一個人食幾嚿，好邪惡。
蜜椒單骨雞翼 6隻($22)
雞翼有成6隻，整體味道不錯，唯獨覺得蜜糖太多，有小小heavy。
紅豆冰 ($10)
跟餐轉紅豆冰只係$10，唔係唔轉啊嘛？佢唔會死甜，飲到底有好多紅豆淨，好豐富！
張貼
