農舍 (已結業)

第一次幫襯，原本被餐牌上既可麗餅吸引但原來今日冇可麗餅。叫左芝士茄醬蘑菇多士配沙律菜，菠蘿素火腿咖喱炒飯，鮮榨蘋果汁，檸檬撻。多士焗得好脆，脆得黎又唔係好乾，當聽到用刀切開份多士時發出既聲音已經係一種享受。菠蘿素火腿咖喱炒飯有少少辣，入面有荳角，紅蘿蔔，蛋，醃蘿蔔，面頭仲有芫荽!(我是芫荽黨員)好欣賞佢有咁多種食材在一份食物中，令味道同口感都好豐富。而且多士同炒飯呢兩款食物都係非常好味。下次黎南Y島都會再幫襯。