喜來稀肉 (已結業)

雖然上個禮拜先食完，但因為好想食，於是今日又再嚟。四款入面我最鍾意食醃蘿蔔，酸酸甜甜咁，開胃又解油膩。除咗前菜同生菜，呢度嘅蛋漿都可以refill㗎！喜來烤肉造型好似一朵玫瑰花，呢朵花唔單止好睇而且仲好好食添！薄薄嘅牛肉，喺鐵板上面輕輕燒吓就食得，啱晒勁肚餓嘅我🤣除咗牛肉仲嗌左兩款豬肉，分別係豬頸肉同馳名嘅護心肉。豬頸肉上面有界格仔紋，令到啲豬肉更快熟。嫩豆腐湯上枱時仲熱到出緊煙，店員有提醒我哋要小心熱，非常細心！呢度啲嘢份量都幾大，我哋兩個人食咗三份肉同一個湯都已經好飽！