老廣靚湯 (已結業)

自己懶得煲想飲啖湯，去咗幫襯，九點鐘大把位，一行三人，叫了一大一小湯、兩個煲仔飯、一碟油菜及雞翼。椰子烏雞燉湯（大），好香椰子味好足料，呢個份量可以飲到四個碗仔，不過冇試湯渣。 蟲草花鱷魚湯，呢個大概分到兩碗左右，味道重蟲草花味道，一個人份量已經好夠。豉汁白鱔飯，白鱔得5件，餸太小，白鱔好入味，全程冇用豉油撈飯，要讚嘅係佢啲飯焦，飯焦依然係白色，火喉掌握得好好。土魷鹹魚雞柳飯，相同問題太少餸，最後又係食晒啲餸剩返啲飯，好彩叫咗雞翼及芥蘭 。食完屋企人eeoo, 埋單三百幾蚊、唔抵食、餸又小，去酒樓食好過，老人家都是酒樓控，我個人應為啲湯好OK，係價錢貴咗啲。