Error 19 (已結業)

超粉紅、充滿少女心嘅樓上cafe 店。 貼住好多關於Error 同Mirror 嘅海報poster，如果喺佢哋fans 應該好開心。 因為餐廳不停播住佢哋嘅歌曲。 餐廳位於19樓， 可以睇到旺角嘅夜街景，但可惜今晚大風大雨，欣賞唔到。 宇治抹茶十勝紅豆窩夫（$95)同媽媽今日食咗好多嘢, 所以嚟到就試吓該店最出名嘅甜品。叫咗佢最出名嘅抹茶Waffle。 製作需要等15至20分鐘， 佢哋都收到order先會開抹茶醬整。 一份有三件窩夫。 窩夫外脆內，超重蛋味, 整到入面好鬆軟。好幸福嘅感覺啊！宇治抹茶味勁濃，唔係用香水味嘅抹茶粉。紅豆食落有沙、mochi好有咬口好煙靭。好想再叫多幾份來食啊！卡邦尼意粉 （$108）蛋黃醬包住意粉，好濃烈嘅蛋黃醬同煙肉味。 意粉晶凝通透、煮到軟硬度適中，唔會太硬亦都唔會冧。 有用心擺盆，仲有加蔥花碎作裝飾。 $108嘅價錢收得有啲貴。桂花烏龍茶 一壺 （$58）不過不失嘅桂花烏龍茶，只有一個茶包去浸住，茶味唔夠濃，冇咩桂花味。 不過食完甜品，都要叫茶消消濟。