火水爐冰室火鍋

營業中

休息中

今日去了食一個安格斯牛小排花膠鍋任食90分鐘火鍋，任飲任食固然大滿足，但是質素之高，實在令人驚喜，特別是牛的種類，食材的質素，都令人覺得值回票價。首先先叫湯底，其實有幾款可以揀，喜歡香口既可以揀雞煲，今日我就揀了濃厚花膠雞湯鍋，花膠補一補，仲可以先嘆個湯，先再火鍋。花膠厚厚一帶片 雞件十分滑，重雞味，湯都好入味 因為朋友係愛牛之人，所以事不宜遲，我地點了各款牛，樣樣都令人十分滿意，安格斯牛小排特選牛頸脊穀飼牛板鍵美國肥牛黑毛豬肉片牛肉味濃，而且好滑，每一款既口感，味道都唔同，我地都好驚喜任食放題有如此靚牛提供。而且叫了兩轉，上菜速度一樣快。 講明係任食火鍋，當然，除了牛之外，都有好多唔同既選擇，例如是響鈴、豆腐、雞件、牛柏葉、魷魚、雲吞、水餃、仲有爆汁墨丸、烏冬，各類蔬菜等等。應有盡有，大家都食到自己鐘意既。而且落單後，上菜都好快，可以把握時間慢慢食。正!!!! 飲品方面，各式汽水外，仲有清涼茶，菊花茶，冬瓜茶等等全部都係任叫任飲。 環境方面，其實都坐得相當闊落架，加上環境其實好有格調，火水爐E個名已經好有feel。而且有足球直播，真係岩曬朋友一邊睇波，一邊火鍋。