影片
更多
2011-05-14
97 瀏覽
當日出旺角，去完個客度，直接收工！藉此大好機會嘆番個下午茶！最近，搵 Openrice 新餐廳資料，見到呢間位於旺角嘅樓上Cafe <Cafe Idea>，平時去旺角去得多，呢區樓上Cafe 真係未試過。經過先達廣場亦不少，走上先達廣場樓上先施大廈，我都係首次。由 OK 便利店轉彎，側門走入大堂。呢度可謂品流複雜！ 咩都有...樓上Cafe 、賓館、泰拳館、貿易公司.... 。上到 4 樓，一出電梯，沿著走廊直行，好容易見到 <Cafe Idea>，門面並不是有招牌，而係將店名以投射到地上，頗特別兼有特色！ 走入去更有驚喜！ 見到一隻爛瞓貓喺個玻璃貓竇入面瞓得好腍！zzzzzz........ 女店員話我知，呢隻係貓公，仲有老婆添呀！ 不過，有皮膚病，貓媽媽最鍾意喺梳化 Hea 吓灘吓。 原來有隻貓仔仔，比較怕羞！鍾意走入去另一個貓櫃，我舉起相機影相，唔知點解貓仔仔會咁樣望住我呢？佢塊面都幾圓喎！ 肥嘟嘟！仲大隻過貓媽媽！各有各自嘅貓竇。 就算有 3 隻貓，衛生程度算 OK! 其實，我都鍾意貓貓，日後等到我有自己嘅屋企，到時會買番隻貓嚟養吓！呢度佔地不大
最近，搵 Openrice 新餐廳資料，見到呢間位於旺角嘅樓上Cafe <Cafe Idea>，平時去旺角去得多，呢區樓上Cafe 真係未試過。經過先達廣場亦不少，走上先達廣場樓上先施大廈，我都係首次。
由 OK 便利店轉彎，側門走入大堂。呢度可謂品流複雜！ 咩都有...樓上Cafe 、賓館、泰拳館、貿易公司.... 。
上到 4 樓，一出電梯，沿著走廊直行，好容易見到 <Cafe Idea>，門面並不是有招牌，而係將店名以投射到地上，頗特別兼有特色！
走入去更有驚喜！ 見到一隻爛瞓貓喺個玻璃貓竇入面瞓得好腍！zzzzzz........ 女店員話我知，呢隻係貓公，仲有老婆添呀！ 不過，有皮膚病，貓媽媽最鍾意喺梳化 Hea 吓灘吓。 原來有隻貓仔仔，比較怕羞！鍾意走入去另一個貓櫃，我舉起相機影相，唔知點解貓仔仔會咁樣望住我呢？佢塊面都幾圓喎！ 肥嘟嘟！仲大隻過貓媽媽！各有各自嘅貓竇。 就算有 3 隻貓，衛生程度算 OK! 其實，我都鍾意貓貓，日後等到我有自己嘅屋企，到時會買番隻貓嚟養吓！
呢度佔地不大，但空間感充足！只有 6 張枱，其中 3 張大枱，配合梳化，可坐 10 ~ 16 人；方便玩 Game。順帶一提，Game 種類繁多！包括：UNO 、大富翁.....可見相片。
我問老闆係咪新開架？聽佢講，開咗個半月，頂讓返嚟。所以，用番上一手嘅傢俬，可能會覺得舊些少，但係我覺得坐得幾舒服！ 況且又有高清電視睇，邊睇邊食，好 Relax ! 加上位於 4 樓，不覺嘈吵！尚未到 6:00，仲叫得切下午茶餐！ Yeah!
芝士焗青口龍利柳長通粉 $27
等候大約 10 分鐘，好讓我細心觀察一下店內環境。食物尚未送到，女店員先為我遞上梳化形紙巾盒、吸血鬼形牙簽筒及一杯水。服務貼心！
當女店員送上一碟長通粉時，還提醒我要小心碟邊熱，真細心呀！ 嘩！芝士味香濃撲鼻！ 令我口水流...！有一隻大青口，尚有鮮甜味！有兩塊煎得金黃嘅龍利柳，相當肥美！ 長通粉份量剛好，配合芝士味道好夾！還有雜豆作配菜及點綴！令賣相更突出！整體算不錯！只係食完碟底比較油！
肯定老闆係超鍾意貓，甚至飲品名稱亦唔放過！貓名系列特飲色彩繽紛！我亦不妨一試！奇異侏儒貓 ( 百香果 + 奇異果 ) 原價$37 / 跟餐加 $10
一杯螢光黃與翠綠色交錯嘅特飲，顏色奪目！ 集乳酸及沙冰於一身，雙重口感！好大杯，可以慢慢品嚐！ 至於，百香果及奇異果，只是甜味粉而已，當然無任何百香果及奇異果成份。感覺上，百香果味蓋過奇異果，酸酸甜甜，十分醒胃！
另有花茶每壺 $51，玩 Game 不設最低消費小時，如果玩 Game 玩得耐，相對較為抵飲。店外四圍環境認真麻麻地，令我幫襯完速逃！ 如果，下次再幫襯的話，我一定搵埋朋友陪。
之後，我去 <水記甜品屋>，食份子甜品。
http://www.openrice.com/restaurant/commentdetail.htm?commentid=2167975
我有其他樓上Cafe 推介，同樣有 Game 玩，環境寧靜舒適！就算情侶都啱去！
中環 <Seasons Cafe> :
http://www.openrice.com/restaurant/commentdetail.htm?commentid=2139634
張貼
