喜記蟹將軍 (已結業)

黎到喜記，點可以唔食蟹？ 上星期五，一同4人係銅鑼灣搵嘢食，經過喜記門口聞到一陣又一陣既香味，所以就決定入去試下。一坐低我地就開始諗叫乜餸好，蟹 當然不能少！但一隻蟹絕對滿足唔到我地，所以最後叫左4餸一湯。金銀蛋時菜，家常菜，不過不失。椒鹽九肚魚值得一讚，魚身滑嫩。炒蜆味道ok，但略為遜色。前菜味道帶酸，十分醒胃👍仲有個蟹肉粟米羹，但未影得切相已經飲曬落肚，味道不錯，粟米甜，略厭蟹肉少。我地對尼餐十分滿足亦一致好評，雖說招牌菜為蟹，但其他菜色亦有一定水準，值得一試。