盈福28 (已結業)

嗰日見到佢做緊八折,所以就同朋友入去試下啦,因為平時個價錢都幾貴嘅。都係啲新式飲茶咁啦，賣相都係比較可愛口水雞，其實冇特別嘅，只係我中意食辣，呵呵。都好香，唔係純粹辣。其實係一個set可以揀3款唔同嘅點心，之後兩人呢就會每人有一籠喇。柚子樣嘅就係柚子蝦餃，其實就好似柚子蜜再加蝦餃咁，蝦都幾新鮮嘅，爽口。 梨狀嘅就係抹茶皮，入面有啲抹茶餡同肉碎。玫瑰花包可以加煉奶吃， 隱約真有點玫瑰的香味。朋友就選了豬仔包，其實就是叉燒包。呢個黃金蝦球必定要推介，鹹蛋黃包住爽口嘅蝦仁， 超好食。呢個係紫薯喵星人同黑芝麻星人， 紫薯味道 尚可，黑芝麻味就比較突出。真係成個南瓜，南瓜肉都好甜。