昌發泰國粉麵屋

營業中

休息中

上星期一，又好想食泰菜。於是義工過後，就兩個人去九龍城食泰菜。十二點半到，無咩人，有d泰國人。要了一個海南雞飯、遊船河同青木瓜沙律。海南雞飯先來，有個蘿蔔清湯。份量好多，連後面個男人都食唔晒成碟。雞飯同馬來西亞嗰d有d唔同，無咁濃雞油香。但就好香香草味。飯粒分明，可口。雞不會太肥，多肉，好香，好嫩滑。遊船河，好多時都會食。鍾意佢濃底夠濃味，也帶鮮甜，也有香草味。有肉丸、肉片同豬潤。肉丸不錯，豬潤唔太老。河粉粗粗的，但唔係一片片，都不錯。仲有通菜同芽菜。青木瓜沙律，辣到噴火。我地都算食得辣，但都辣到噴火！青木瓜爽口，醬汁酸酸辣辣，但略嫌唔夠酸，可以自行加辣椒醋。