幸圓

營業中

休息中

首先想推薦嘅係【時令刺身丼】，三文魚柔嫩細膩，北海道帆立貝鮮甜滑嫩，真鯛彈性口感，仲有其他新鮮嘅刺身，整體搭配得恰到好處，每種刺身嘅口感都好清爽，配上粒粒分明嘅白飯，令人一口接一口。接著係【自選雜錦魚生丼】，松葉蟹嘅蟹肉鮮甜飽滿，八爪魚富有嚼勁，三文魚籽喺口中爆開，整碗丼飯都係滿滿嘅鮮味，好好食。佢哋嘅【大虎蝦】令人印象深刻。口感鮮甜彈牙，蝦肉緊緻而多汁，正！而【三杯酢廣島蠔】係用微酸嘅醬汁帶出蠔嘅鮮甜，蠔肉滑順肥美，整體風味清爽平衡。甜品推薦大家【Uji Matcha Croffle】。抹茶風味濃郁而唔苦澀，Croffle口感酥脆，內部鬆軟，每一口都充滿濃郁嘅茶香同奶香。而【Strawberry Parfait】則係草莓嘅微酸配埋奶油嘅香甜，整體口感令人意猶未盡。