煲底海鮮火鍋料理 (已結業)

今日係尖沙咀食左煲底嘅午餐。叫左兩碗烏冬，一碗係日式溫泉蛋牛肉濃汁烏冬，另一碗係煲底自選湯烏冬（日式海帶豆腐湯）。 牛肉烏冬，滿滿既牛肉入口即溶，湯底濃濃既牛味，每條烏冬都好有味，靚煮既溫泉蛋。豆腐湯烏冬，味道略嫌稍淡，豬軟骨都幾入味幾好食，蘿蔔好清甜，一食就知唔係嗰種落咗糖去浸嗰啲，雲吞都好大粒食到一隻大大嘅蝦。整體來說都幾飽，同埋喺火鍋店食午餐，坐得特別闊落，空間感特別大，食得特別舒服，同朋友吹水食飯都幾好。