正宗山東餃子店

營業中

休息中

好多年前食過東京街分店，印象得一個，就係餃皮好厚。事隔咁多年，今次試粉嶺分店，帶埋未食過嘅屋企人一齊嚟試。今次星期六晚上6點零嚟到，我地成為第一枱客人。韭菜煎餃半打 $40 + 粟米煎餃半打 $43餃子SIZE唔算大，望落亦唔飽滿；餃皮無印象中咁厚；煎得唔太靚仔，食落完全唔脆口之餘，油感仲要好高😥。兩款餃子中，個人比較中意粟米餃，貪佢多左粟米嘅爽脆感同甜度。豬肉剁得好碎，食落就係一舊好軟、好滑、無口感嘅肉碎。豬扒上海粗炒 $49呢個粗炒賣相唔錯，豉油色好深，感覺應該幾有鑊氣~但原來得個樣😂麵條完全無味…😂豬扒雖然好薄，但個味唔錯，亦因為薄，所以唔韌。餐廳最好味係個橙色辣醬，本身仲以為係辣豆瓣，但完全唔係果回事!! 撈佢落個無味嘅粗炒，增添蒜香，即刻生色不少!!雖然食物一般，但職員幾有人情味。