十二味 (如心廣場二期)

營業中

休息中

老公知我不嬲都好鍾意食辣野，尤其係之前喺深圳食過嘅麻辣乾鍋，比佢發現荃灣新開左間 - 十二味，都係一樣食麻辣乾鍋，於是就帶左我去食啦！用二維碼落單，非常方便！我地嗌左5個餸: 田雞 / 鮮蝦 / 肥腸 / 嫩牛肉同埋五花腩，咁多餸當然唔少得要白飯啦！我地淨係嗌左小辣加麻，味道已經非常夠，完全係我心目中嘅味道！👍第一次食麻辣田雞，原來好夾㗎！仲有蝦，肥腸同五花腩都係必揀嘅餸，牛肉亦非常嫩滑，讚！👍食辣野當然唔少得加多寶，清下熱氣！