相馬日式火鍋 (已結業)

呢間已經變咗我係火炭食堂咁款，呢度附近嘢食實在有限😂今次黎見到新餐牌即刻試下，因為絕對有信心唔會唔得💪🏻《日式茶碗蒸》蒸蛋唔會求其俾你，每個茶碗蒸都有兩粒大大粒嘅帶子，仲有啲蟹柳同埋菇，啲料好足🫶🏻🫶🏻《雞煲》辣度有得揀，我哋揀咗中辣，好惹味。雞煲入面仲佈滿咗好多芫茜同洋蔥🌿🧅，好多人可能都唔鍾意呢兩樣嘢食，但係由得佢煮耐啲，吸晒啲雞汁同醬料就超好食，煮淋啲會易接受好多🤓😍啲雞肉無乜骨都夠滑！店員收碟同加湯嘅時候都會幫下手睇下火同埋翻炒下👍🏻《花膠雞湯》唔油膩夠滋補，雖然清清地未去到會漲嘴，但係夠熱，飲落都好潤🤤《海鮮蒸鍋》海鮮全部都夠新鮮🌊《任食火鍋》肉類海鮮無限供應，牛肉易咬唔係鞋嘅，任食海鮮比起蒸鍋會有其他選擇，有多啲貝殼類嘅，有蠔、黃垷、灰䙺、螺等等。《日式串燒炸物》款式種多，樣樣都想試🤣放咗一陣都保持到果皮係脆。