影片
更多
2024-09-28
1432 瀏覽
事緣今晚友人搞完佢啲嘢都晏咗，我哋就去荔枝角果度，長沙灣廣場果間Mr O食飯。我哋係隨心搵，事前冇check過間餐廳，咁我諗好多人都會咁樣覓食嘅。去到果陣係8:15，我哋問有冇兩位，餐廳話有，咪走入去。坐低之後，餐廳話8:30 last order，「甜品都要㩒埋」，咁ok啦我咪落order，我好肯定佢比我哋㩒「叫起」，而我亦真係有㩒「叫起」嘅。另外我哋有叫生蠔、兒童餐同埋兩個主食咁啦。㩒完冇耐，餐飲餐湯最快上枱。冇耐啲熱食都上曬。過多一陣，我問餐廳「其實生蠔有冇架」咁樣，女部長（佢唔似一般侍應，似話得事）就話「應該開緊殼，你等下啦」咁喎。咁我都忍唔住講咗句「我以為你哋會上咗生蠔先上熱食嘅添。」點知個女部長話「咁你下次要（一早）講啦」咁樣，之後就走咗去。我真係火滾，同友人講「乜（上完生蠔先再上熟食）要講架！？」咁都算啦。之後又過冇耐，8:50左右，又有人走過嚟問「個芒果窩夫上得未」，大佬成枱熱食未食完喎！我由始至終都好禮貌咁講嘢，冇大嗌冇粗魯。我講得好清楚話「遲啲先啦」。結果三分鐘後，餐廳夾硬上呢個甜品。然後我哋見到廚房收曬爐。果陣9:00都未到。我哋其實仲叫咗兩件cake，都係叫起嘅
坐低之後，餐廳話8:30 last order，「甜品都要㩒埋」，咁ok啦我咪落order，我好肯定佢比我哋㩒「叫起」，而我亦真係有㩒「叫起」嘅。另外我哋有叫生蠔、兒童餐同埋兩個主食咁啦。
㩒完冇耐，餐飲餐湯最快上枱。冇耐啲熱食都上曬。過多一陣，我問餐廳「其實生蠔有冇架」咁樣，女部長（佢唔似一般侍應，似話得事）就話「應該開緊殼，你等下啦」咁喎。
咁我都忍唔住講咗句「我以為你哋會上咗生蠔先上熱食嘅添。」點知個女部長話「咁你下次要（一早）講啦」咁樣，之後就走咗去。
我真係火滾，同友人講「乜（上完生蠔先再上熟食）要講架！？」
咁都算啦。之後又過冇耐，8:50左右，又有人走過嚟問「個芒果窩夫上得未」，大佬成枱熱食未食完喎！我由始至終都好禮貌咁講嘢，冇大嗌冇粗魯。我講得好清楚話「遲啲先啦」。結果三分鐘後，餐廳夾硬上呢個甜品。然後我哋見到廚房收曬爐。果陣9:00都未到。
我哋其實仲叫咗兩件cake，都係叫起嘅。等我仲同朋友講「窩夫要經廚房出，兩件cake只係喺雪櫃攞，唔使咁快嘅」。話口未完，另一個生面口嘅女侍應，今次問都唔問，直接隊兩件cake上枱。
我望吓個鐘，只係九點鬆啲。我同朋友講「我諗餐廳其實閂九點半」。
其實我哋都唔知餐廳閂幾點。當時餐廳係完全冇標示，亦都冇人同我哋講就收，好明顯係昆埋我哋入去搏懵做多單生意啦。最後我都係check吓先知OpenRice呢度寫餐廳8:30閂門，咁8:15仲叫我哋入座係做乜架呢？其實咁做生意法，真係得不償失架喎。
真係唔好怪人北上。咁樣嘅服務態度，好恐怖。又要搏做多單生意迫個客滾水淥腳快食，上完熱嘢先上生蠔仲怪個客唔講，明明叫起個客都話等陣先仲夾硬上甜品，成餐飯真係冇尊重過客人！我見呢度其他評論都有提服務麻麻，以後去呢間食之前真係要諗過先啦！
張貼
