影片
更多
2021-09-06
2088 瀏覽
3年幾前幫襯過「蝦麵店」架喇，不過，當時喺鰂魚涌店分店（總店味灣仔店），原來，依家已經開咗好幾家分店。今晚，同一位死佬嚟到荃灣分店，品嚐吓馬拉嘢，因為大家都好鍾意馬來西亞，疫情下，相信有排都未出到門。仲記得嗰時去鰂魚涌店，店鋪比較細，但裝修就有幾典型南洋風格，牆上貼滿好多黑白嘅檳城相片，都喺一啲老照片，顯示舊時檳城嘅社會景象。荃灣店就截然不同，以色彩鮮艷為主，黃黃白白為主色調，部份座椅又用上搶眼嘅橙色，感覺年輕化咗。餐牌好大本吓，內頁有很多，不過，今次無詳細研究，主要都喺瞄準個「全日二人套餐」，因為$258 就有兩個主食、一份指定小食、兩份自選小食、兩杯飲品、兩份甜品，而飲品亦有升級優惠，可以講夠晒豐富，定價相宜。店家用維碼落單，而個二人餐本身選項多，尤其主食可以左搭右搭，我哋都搞咗好一陣子。不過，如果大家唔熟咁樣落單，就直接搵店員幫手好了，免得自己落錯，又再搵店員搞番正，咁就仲煩。馬來香炸雞翼+馬來沙嗲雞髀肉串先登場喺指定嘅小食，雞翼新鮮炸起，熱辣辣，脆卜卜，醃得都算入味，食落亦唔喺好油；雞髀肉串鋪滿大量沙嗲醬，夠晒馬來風味，而雞脾肉亦好夠滑，個沙嗲亦夠晒花生香。辣味蝦湯蝦肉魷魚摻摻
仲記得嗰時去鰂魚涌店，店鋪比較細，但裝修就有幾典型南洋風格，牆上貼滿好多黑白嘅檳城相片，都喺一啲老照片，顯示舊時檳城嘅社會景象。荃灣店就截然不同，以色彩鮮艷為主，黃黃白白為主色調，部份座椅又用上搶眼嘅橙色，感覺年輕化咗。
餐牌好大本吓，內頁有很多，不過，今次無詳細研究，主要都喺瞄準個「全日二人套餐」，因為$258 就有兩個主食、一份指定小食、兩份自選小食、兩杯飲品、兩份甜品，而飲品亦有升級優惠，可以講夠晒豐富，定價相宜。
店家用維碼落單，而個二人餐本身選項多，尤其主食可以左搭右搭，我哋都搞咗好一陣子。不過，如果大家唔熟咁樣落單，就直接搵店員幫手好了，免得自己落錯，又再搵店員搞番正，咁就仲煩。
馬來香炸雞翼+馬來沙嗲雞髀肉串先登場喺指定嘅小食，雞翼新鮮炸起，熱辣辣，脆卜卜，醃得都算入味，食落亦唔喺好油；雞髀肉串鋪滿大量沙嗲醬，夠晒馬來風味，而雞脾肉亦好夠滑，個沙嗲亦夠晒花生香。
辣味蝦湯蝦肉魷魚摻摻死佬食得辣，所以，揀咗個辣味蝦湯，佢話個湯底幾得，辣得嚟唔嗆喉，又有啲蝦鮮味，香辣醒胃；蝦肉就嫌切得細片得滯，但啲魷魚就幾好，配摻摻，即米粉加油麵兩溝，口感過癮。
咖喱叻沙湯蝦肉肉骨檬粉 +$12小弟一向都頗鍾情叻沙，所以，湯底一早心儀咗咖喱叻沙湯，再選蝦肉搭肉骨，揀呢個需額外加錢。捧到嚟，個叻沙湯非常之香，細嚐一啖先，好香馬拉風嘅咖喱味，即喺帶有椰汁及香料香，濃厚而順滑，掛滿湯嘅檬粉都變得寧舍好食；蝦肉確喺切得細片咗，但啲肉骨好鬆化。
咖喱叻沙湯蝦肉肉骨檬粉
21 瀏覽
0 讚好
0 留言
沙嗲醬雜錦魷魚秋葵樂樂簡單嚟講，就喺一啲土魷、鮮魷及秋葵，再加上沙嗲醬嘅小食，可能啲沙嗲醬夠晒惹味，好似襯咩都好食啲咁，而土魷咬落有啲韌勁，鮮魷就爽口啲，加埋秋葵，下面仲墊有少少銀芽，作為食麵嘅配菜確喺幾唔錯。
五香脆炸豆腐豆卜另一道自選小食揀咗豆腐豆卜，又喺簡單嚟講，就喺炸好嘅豆腐同豆卜，灑上五香粉即成，最緊要喺豆腐、豆卜都炸得香脆不膩，而五香粉就令到個味道更香口，若怕熱氣，可以沾一沾附上嘅酸醬，點咗之後又有唔同味道。
凍冰糖檸檬薏米水 +$10套餐所包嘅基本飲品都喺啲港式啡茶、汽水，所以，我哋都改飲特飲。小弟今次就懶健康，要一杯凍冰糖檸檬薏米水，杯底有好多薏米，入口又有陣陣檸檬香，加入冰糖去煮自然感覺更加潤啲。
凍檳城焦糖咖啡 +$10老友一向喺夜鬼，半夜三更先有靈感寫稿，所以，咁夜佢都唔怕飲咖啡，就要了一杯凍檳城焦糖咖啡，色澤比較深，有少少似齋啡感，佢就話幾香，有陣陣焦糖香，喺幾好飲喎。
榴槤咖央多士最近，喺甜品時間，難得有榴槤，就自然揀榴槤咖央多士，唔好期望有一大抹榴槤果肉之類，其實，榴槤嘅味道唔喺好強，加上搽埋咖央，入到口先食得出榴槤味，但整體都OK嘅！
桔子香茅凍老友話呢個好食，一來桔子加上香茅嘅味道清新而獨特，二來做成果凍，晌呢啲時節食感覺就特別涼爽，口感滑滑溜溜，仲加咗好多咬口嘅蘭香子，讚呀！
每人百零蚊可以一次過試到咁多款馬拉食物，質素亦唔錯，晌無得出外去旅行嘅日子，就食餐馬拉嘢，就算唔當去咗，至少都當回味吓昔日去馬拉嘅遊歷。
張貼
