肉餅哥小炒料理 (已結業)

而家係香港搞飲食，除左好味，仲要有噱頭，先可以闖出一片天。肉餅哥顧名思義，以肉餅做招牌，菜式亦以肉餅為主，其中有咖啡煉奶肉餅﹑好立克肉餅﹑果醬肉餅等，相信大家聽到個名已經覺得好創新。但創新還創新，好唔好食又另一回事同行友人都唔敢冒險，點左較傳統較｢安全｣的肉餅，筆者就試左特式果醬煎肉餅。果醬係黃梅醬，酸酸甜甜，頗為開胃，比想像好味！煎肉餅香口之餘，亦唔算乾身，肉質嫩稔，整體味道不錯。肉餅可選擇蒸或煎，主食可改菜飯/油飯/粥/米粉等，還有例湯，價錢$59-99，也算中等，可考慮再戰