一幻拉麵 (已結業)

睇戲前輕鬆一下，去食碗拉麵先！呢間一幻拉麵之前在北海道食過淨係得原味，還記得當時凍冰冰而食到一碗熱騰騰的拉麵，真係好深刻！嚟到香港分店則配合香港人口味，創造了多款新麵。喜歡食辣的我當然叫了「辛辣味噌蝦湯拉麵」。一幻的幼麵彈牙，湯頭蝦味濃郁鮮甜，雖然加了辛辣味噌，但完全冇搶到蝦的鮮味。上面的麵酥更是畫龍點睛，有少許紅薑味，令整體味道都提升了。呢個價錢有濃郁既蝦湯拉麵，係午餐既好選擇！聽聞中環新店有冷麵，遲些再試！