影片
更多
2024-05-15
492 瀏覽
聽講喺內地有200幾間分店嘅「遇見小麵」嚟咗香港，主打重慶麵食，餐廳開喺黃埔勁近我公司，所以放工搵埋鍾意食辣嘅同事一齊去食個麵😁夜晚7點去到，一如所料餐廳已經滿座，要喺出面排隊～ 睇咗餐牌大部份麵食都只係50幾蚊，小食就20蚊左右，喺黃埔區嚟講真係勁抵食👍🏻 而且餐廳好大好多位置，所以等位好快，我等咗唔駛10分鐘都入坐啦👍🏻紅碗豌雜麵 ⭐️⭐️⭐️⭐️⭐️見佢話係鎮店招牌，梗係一定要試啦！呢碗撈麵上枱已經覺得勁吸引，五花肉醬肥瘦均勻，配埋粑豌豆拌勻，每條麵都掛滿醬汁，超級惹味！我同同事都鍾意食辣所以叫咗中辣，但對我地嚟講都係小兒科，下次會挑戰大辣🤭 虎皮鳳爪小鍋冒菜 ⭐️⭐️⭐️⭐️⭐️呢個係用一個類似打邊爐嘅小鍋上，入面有鳳爪、薯粉、蓮藕、菇、魚片、豆乾等，份量好足，我哋share食剛剛好！主角鳳爪好大隻，而且好淋好入味，鍾意食鳳爪嘅一定要點呢個！如果小鍋冒菜有得揀辣度就更好，咁就可以食辣啲嘞👍🏻小酥肉蕃茄湯麵 ⭐️⭐️⭐️⭐️啱晒唔食辣嘅朋友！炸小酥肉配埋酸酸甜甜嘅蕃茄湯麵好開胃，有時食辣野食得多，食個清淡啲嘅麵，腸胃好舒服呀！鍋巴土豆 ⭐️⭐️⭐️⭐️⭐️我誠意推介呢款薯仔小食，係比麵店耽誤咗嘅薯仔！佢有香辣椒麻或蕃
夜晚7點去到，一如所料餐廳已經滿座，要喺出面排隊～ 睇咗餐牌大部份麵食都只係50幾蚊，小食就20蚊左右，喺黃埔區嚟講真係勁抵食👍🏻 而且餐廳好大好多位置，所以等位好快，我等咗唔駛10分鐘都入坐啦👍🏻
紅碗豌雜麵 ⭐️⭐️⭐️⭐️⭐️
見佢話係鎮店招牌，梗係一定要試啦！呢碗撈麵上枱已經覺得勁吸引，五花肉醬肥瘦均勻，配埋粑豌豆拌勻，每條麵都掛滿醬汁，超級惹味！我同同事都鍾意食辣所以叫咗中辣，但對我地嚟講都係小兒科，下次會挑戰大辣🤭
虎皮鳳爪小鍋冒菜 ⭐️⭐️⭐️⭐️⭐️
呢個係用一個類似打邊爐嘅小鍋上，入面有鳳爪、薯粉、蓮藕、菇、魚片、豆乾等，份量好足，我哋share食剛剛好！主角鳳爪好大隻，而且好淋好入味，鍾意食鳳爪嘅一定要點呢個！如果小鍋冒菜有得揀辣度就更好，咁就可以食辣啲嘞👍🏻
小酥肉蕃茄湯麵 ⭐️⭐️⭐️⭐️
啱晒唔食辣嘅朋友！炸小酥肉配埋酸酸甜甜嘅蕃茄湯麵好開胃，有時食辣野食得多，食個清淡啲嘅麵，腸胃好舒服呀！
鍋巴土豆 ⭐️⭐️⭐️⭐️⭐️
我誠意推介呢款薯仔小食，係比麵店耽誤咗嘅薯仔！佢有香辣椒麻或蕃茄醬2款，識食一定揀香辣椒麻味✨ 薯仔表面被濃厚醬汁包圍，食落有少少脆皮感覺，而脆皮下嘅薯仔極軟綿綿，真係好好食，強烈推薦👍🏻
琥珀冰粉 ⭐️⭐️⭐️⭐️⭐️
呢個係就算食到飽都要叫嘅甜品！冰粉淋上花奶係絕配！平時我會自己食晒一碗冰粉，但呢度嘅小麵真係唔小，份量好足，我地個個都已經食到好飽，所以甜品share食😎
白玉酸梅湯 ⭐️⭐️⭐️
食辣嘢點可以唔叫嘢飲？白玉有啲似台灣嘅愛玉，夏天時飲喉嚨涼涼地好舒服好解渴😌 酸梅湯甜度剛剛好，如果可以再酸啲就perfect👍🏻
15 瀏覽
0 讚好
0 留言
紅碗豌雜麵
16 瀏覽
0 讚好
0 留言
虎皮鳳爪小鍋冒菜
10 瀏覽
0 讚好
0 留言
小酥肉蕃茄湯麵
9 瀏覽
0 讚好
0 留言
琥珀冰粉
11 瀏覽
1 讚好
0 留言
白玉酸梅湯
9 瀏覽
0 讚好
0 留言
張貼
