影片
更多
2016-03-28
769 瀏覽
第一次去到朗屏商場，商場外觀好舊，內部已裝修，朋友包場擺酒，樓底好高，金紅色主色，金碧輝煌，T字型大廳，我坐在中段，剛好對住席前嘅小食枱，兩個侍應努力分食物！席前小食：春卷：炸得香脆，餡料好多！煎餃：略油，皮煙韌，餡料肉正常唔乾！點醋汁酸酸地開胃！芝士豆腐：賣相以為唔好味，點知原來豆腐滑，芝士味濃，好食！炸雲吞：好大件，炸得香脆，蝦仁爽口，可惜無專用嘅酸甜醬，淨食太油膩煎堆仔：外面芝麻香脆，皮煙韌，無乜餡料雜果賓治：好難飲，完全無甜味，只有好假嘅罐頭水果味！飲唔落！主菜： 情濃金豬大紅袍：皮脆肉嫩，唔會好甜！點燒豬醬好味！ 上湯澳洲龍蝦：好好味，龍蝦肉厚肉爽口！醬汁薄薄地唔會太杰，食到龍蝦原味！如果有伊麵墊底仲好！ 杏片炸蟹鉗：賣相靚仔，不過杏片太粉，唔夠脆，入面蝦膠彈牙，最後我剝晒啲杏片食蝦肉，點酸甜醬好味！ 玉環瑤柱脯：難得柱環唔會好大件（自己唔太喜歡瑤柱）索晒湯汁，瓜脯味道清爽！好味！ 紅燒海皇蟹肉翅：蟹肉嫩滑，翅其實唔多，當飲個湯，湯唔夠杰身，一般！ 原隻鮑魚扣玉掌：鮑魚炆得入味但太鹹，玉掌重膠質，生菜爽口！不過醬汁太鹹影響晒！ 清蒸東星斑：難得蒸到剛離骨，所以魚肉好滑！正！
內部已裝修，朋友包場擺酒，
樓底好高，金紅色主色，金碧輝煌，T字型大廳，我坐在中段，剛好對住席前嘅小食枱，兩個侍應努力分食物！
席前小食：春卷：炸得香脆，餡料好多！
煎餃：略油，皮煙韌，餡料肉正常唔乾！點醋汁酸酸地開胃！
芝士豆腐：賣相以為唔好味，點知原來豆腐滑，芝士味濃，好食！
炸雲吞：好大件，炸得香脆，蝦仁爽口，可惜無專用嘅酸甜醬，淨食太油膩
煎堆仔：外面芝麻香脆，皮煙韌，無乜餡料
41 瀏覽
0 讚好
0 留言
主菜：
情濃金豬大紅袍：皮脆肉嫩，唔會好甜！點燒豬醬好味！
上湯澳洲龍蝦：好好味，龍蝦肉厚肉爽口！醬汁薄薄地唔會太杰，食到龍蝦原味！如果有伊麵墊底仲好！
杏片炸蟹鉗：賣相靚仔，不過杏片太粉，唔夠脆，入面蝦膠彈牙，最後我剝晒啲杏片食蝦肉，點酸甜醬好味！
玉環瑤柱脯：難得柱環唔會好大件（自己唔太喜歡瑤柱）索晒湯汁，瓜脯味道清爽！好味！
紅燒海皇蟹肉翅：蟹肉嫩滑，翅其實唔多，當飲個湯，湯唔夠杰身，一般！
原隻鮑魚扣玉掌：鮑魚炆得入味但太鹹，玉掌重膠質，生菜爽口！不過醬汁太鹹影響晒！
清蒸東星斑：難得蒸到剛離骨，所以魚肉好滑！正！
鴻運脆皮雞：皮脆肉嫩！正
鴛鴦絲苗：鴛鴦炒飯，食咗酸甜汁！酸酸地開胃！
上湯鳳城水餃：水餃滑，餡料多，爽口好味！
百年好合（紅豆沙）紅豆唔夠大粒，好在煮得綿密滑溜！唔過甜好味！
鴛鴦同心（榚點）椰汁榚滑溜，味道正常！
甜蜜金果（橙）鮮橙！食物好味，店員服務殷勤，補飲品都好密手！
張貼
