影片
更多
2020-12-16
6600 瀏覽
拎住一疊時代優惠卷，係時候諗下揀邊間餐廳🍴一行四人都想食light啲，見greenhouse主打少鹽少油，就book左lunch time 去食飯四人叫左3個set lunch，小食再加甜品share一齊食🍟黑松露醬配炸薯條：唔洗多講，出色☺️黑松露醬固之然係重點，連個薯條都炸到特別好食(唔知點形容，好食到我都想入廚房望下到底點整)，必嗌～🍗蜜糖單骨雞翼：係精緻小食黎既，份量同炸薯條比係少啲，但味道甜甜地，好開胃，而且單骨雞翼方便女仔食🍕Set B : 辣肉腸芝士薄餅呢個薄餅超級推薦，薄餅底軟硬適中，仲有少少咬口，值得讚既係街外餐廳既辣肉腸pizza偏咸，反觀greenhouse無落重手調味，正正可以食到個薄餅最真實既味道(靠cheese同辣肉腸黎點綴)🍝Set C : 辣三文魚意粉辣味唔重，三文魚分量唔太多，略嫌乾身左啲，意粉偏爽口🥩Set D : Rib eye叫左7成熟(用普通盤上)，要讚既係真係岩岩好煎到7成熟，但肉汁唔夠多，另外好明顯煎得比較乾身，邊位有少少硬；另外配菜又係好好味既薯條🍟🍯法式香蕉焦糖燉蛋：一定要嗌！一定要嗌！真係神級好味道，本身因爲要湊數600蚊用coupon
一行四人都想食light啲，見greenhouse主打少鹽少油，就book左lunch time 去食飯
四人叫左3個set lunch，小食再加甜品share一齊食
🍟黑松露醬配炸薯條：
唔洗多講，出色☺️
黑松露醬固之然係重點，連個薯條都炸到特別好食(唔知點形容，好食到我都想入廚房望下到底點整)，必嗌～
🍗蜜糖單骨雞翼：
係精緻小食黎既，份量同炸薯條比係少啲，但味道甜甜地，好開胃，而且單骨雞翼方便女仔食
🍕Set B : 辣肉腸芝士薄餅
呢個薄餅超級推薦，薄餅底軟硬適中，仲有少少咬口，值得讚既係街外餐廳既辣肉腸pizza偏咸，反觀greenhouse無落重手調味，正正可以食到個薄餅最真實既味道(靠cheese同辣肉腸黎點綴)
🍝Set C : 辣三文魚意粉
辣味唔重，三文魚分量唔太多，略嫌乾身左啲，意粉偏爽口
🥩Set D : Rib eye
叫左7成熟(用普通盤上)，要讚既係真係岩岩好煎到7成熟，但肉汁唔夠多，另外好明顯煎得比較乾身，邊位有少少硬；另外配菜又係好好味既薯條🍟
🍯法式香蕉焦糖燉蛋：
一定要嗌！一定要嗌！
真係神級好味道，本身因爲要湊數600蚊用coupon，無特別期待過甜品，但食落勁有驚喜
係個燉蛋上面鋪上薄薄一層香蕉，你會聞到微微既香蕉天然甜味，侍應會即時倒糖漿，然後用火槍點火🍮(要打卡既伙伴們相機請先ready)，然後就形成左薄焦糖面，呢個moment就可以起動啦！
食到一半我地先落個咖啡（唔苦澀的），好完美地中和左焦糖燉蛋既甜膩，nice
🍰椰子蛋糕：
呢一個cake又係意料之外既好味道，椰子味好香濃，每啖都creamy到好似食雪糕咁，必試！
講左咁多，其實都有兩個細微位好伏：
1. 我地嗌左3個set，跟餐有湯送，本身一黎個湯既時候見到有菠菜蓉，心諗應該唔錯啦菠菜忌廉雞湯，點知一飲落——完全無味，再加胡椒，都係無味，直接放棄；最慘係一入黎餐廳第一樣上既就係個湯，個觀感仲要好似臭涕咁😭😭
2. 凍奶茶：錯就錯在我忘記左西餐通常係用breakfast tea做茶底，加埋奶同糖水後，完全係一杯奶水🤧🤧無茶味！
不過整體黎講，食物質素平均係高既，用埋coupon係性價比高之選，應該都再會同朋友黎食🥙
張貼
