稻八日式火鍋炸物放題 (已結業)

2018年9月25日 四人行， 六點正到餐廳，食左2粒鐘。 叫左個258蚊餐，有85折，連加一埋單980蚊。有咩食，一入到去乾淨企理。有無限添既中華沙律，辣味螺肉， 小八瓜魚， 生薑片等既日式前菜。有得玩有食既自製天婦羅，炸蝦天婦羅好彈牙。我諗我地4個，應該食左50隻蝦😂😂😂。仲配好多粉比你選有椒鹽粉，七味粉，地獄粉等。除左天婦羅，有墨丸，牛丸，芝士丸，栗米，鮮腐竹，凍豆腐，蕃茄。基本野都好新鮮。但係主角就... 送左4隻蠔。味道一般。牛小排味道唔太出色，但都唔差。墨魚滑好食。牛白肉就唔覺得特別好食，但手切牛就好味道但又未到食到唔停留得口果種。最開心有movenpick係雪糕食。