影片
更多
2004-09-01
14 瀏覽
最初只係屋企人覺肚餓, 想出去食少少野, 但行行下又諗唔到食乜, 諗到去椰林閣o個時又已經成六點幾, 結果連晚飯都食埋.我地每人都叫左一個$40特價晚餐(要加一) 俾自己. 如果冇記錯, 呢個優惠係由五點半到七點半. o個o的set 過左七點半就要起碼貴成二十蚊.我地四個人分別叫左三個紅湯, 一個白湯. 安格斯牛柳野菌配沙律, 煙鴨胸配意大利闊麵, 鑊仔牛柳配薯菜, 香煎雞扒炸帶子配沙律. 餐茶要左四杯奶茶, 三杯熱一杯凍.最先上o既當然係個湯. 爸爸飲左個羅宋湯一啖, 就話個湯有辣味! 連兩個細佬都話有少少辣味. 辣o既羅宋餐湯我真係第一次見. 不過個湯就好水, 冇乜料, 但都可以飲得落, 細細佬仲連爸爸個份都飲埋. 我係飲忌廉湯o既, 不過係o個o的冇乜味o既貨仔... 算啦. 反而個跟湯上o既餐包都幾好, 幾軟幾香咁.個主菜都算上得快. 我要o既係煙鴨胸配意大利闊麵, o個o的麵都好油膩下, 不過味道算幾好, o的麵腍得o黎唔會爛. 個煙鴨胸絕對係驚喜, 幾香又算好味, 係鹹左少少, 但送住o的麵食就okay. 個o的跟碟o既(烚?) 雜菜個樣有o的衰, 但都食得落. 大細佬要個
我地每人都叫左一個$40特價晚餐(要加一) 俾自己. 如果冇記錯, 呢個優惠係由五點半到七點半. o個o的set 過左七點半就要起碼貴成二十蚊.
我地四個人分別叫左三個紅湯, 一個白湯. 安格斯牛柳野菌配沙律, 煙鴨胸配意大利闊麵, 鑊仔牛柳配薯菜, 香煎雞扒炸帶子配沙律. 餐茶要左四杯奶茶, 三杯熱一杯凍.
最先上o既當然係個湯. 爸爸飲左個羅宋湯一啖, 就話個湯有辣味! 連兩個細佬都話有少少辣味. 辣o既羅宋餐湯我真係第一次見. 不過個湯就好水, 冇乜料, 但都可以飲得落, 細細佬仲連爸爸個份都飲埋. 我係飲忌廉湯o既, 不過係o個o的冇乜味o既貨仔... 算啦. 反而個跟湯上o既餐包都幾好, 幾軟幾香咁.
個主菜都算上得快. 我要o既係煙鴨胸配意大利闊麵, o個o的麵都好油膩下, 不過味道算幾好, o的麵腍得o黎唔會爛. 個煙鴨胸絕對係驚喜, 幾香又算好味, 係鹹左少少, 但送住o的麵食就okay. 個o的跟碟o既(烚?) 雜菜個樣有o的衰, 但都食得落. 大細佬要個香煎雞扒炸帶子配沙律, 塊雞扒煎得好靚, 佢話o的味okay, 不過可能自己落多左o的蒜蓉汁(份香煎雞扒炸帶子同安格斯牛柳野菌上檯時都係未淋汁o既, 個蒜蓉汁係有個細碗裝住另上; 另外兩份set 就淋左個汁先上檯), 所以又係鹹左少少, o個兩粒炸帶子係超市有得買o既假帶子, 冇乜特別. 跟碟o既沙律唔係淨得罐頭貨, 算新鮮, 仲有椰果o添! 亦都算好食.
不過另外o個兩份就有件搞笑事發生左. 話說細細佬要個鑊仔牛柳配薯菜, 八成熟, 而爸爸要安格斯牛柳野菌配沙律, 全熟. 首先係細細佬話個牛柳熟過頭, 唔似八成. 到我地食到中後段先發現, 爸爸o個份安格斯牛柳似係八成熟咁!! 佢地個兩份牛柳可能o係落單時出錯搞亂左. 而且個"安格斯牛柳野菌" 仲冇左"野菌", o個o的薯菜同雜菜個樣都係有o的衰. 所以如果下次再食, 我會叫沙律!
可能係星期一, 又或者間餐廳一向都少侍應, 所以等左好耐先有人幫我地寫要乜野餐茶, 又等左好耐個幾杯餐茶先至到. 老實講, 杯"暖"奶茶一o的都唔好飲! 冇乜奶, 唔熱, 再加上o的茶又澀! 凍o個杯就好彩o的, 真係夠凍又有冰o既! 希望下次o的餐飲會有改善, 如果唔係我都冇勇氣去試佢地o的特色飲品.
我亦希望佢地o係衛生方面做好o的. 我地檯上面個餐牌個底好濕, 搞到我拎完睇完之後要抹乾對手! 食之前又有人o係我地附近掃地! 服務亦有進步空間. 除左叫餐茶時有o的慢之外, 我地一早就已經飲完杯清水, 但全程並冇侍應幫我地加水. 唯一o個次係o係杯餐茶到左之後先至有加. 不過我飲左一兩啖之後就o係個水杯度見到半粒檸檬核, 應該係o岩o岩加o既料. 但我地張檯冇人飲過食過有檸檬o既野喎!! 搞到我唔敢再飲水.
其實我覺得一人大約四十零蚊咁食都好抵. 只不過我覺得可以更好. 咁o既價錢同水準都值得再幫襯o既!
****
另文:
唔該Editor! 我有去過下面呢間餐廳, 但"開飯喇"冇佢o既記錄. 我想寫番篇講下佢...
店名: 環保農莊餐廳Eco Farm Restaurant
地址: 大埔大尾篤61號地下A座
電話: 唔知, sorry.
應該算係食西餐o既. o的食品都幾有特色, 同埋係冇用"師傅" o既. 一次每人消費約$30-$80.
張貼