影片
更多
2018-12-04
87 瀏覽
呢晚同朋友慶祝生日，我預先已經問定朋友想食咩菜，勁鍾意食辣野既朋友話一定要食川菜，咁我上Openrice見到有人推介呢間四姐私房菜，睇menu同睇相覺得真係好吸引。今晚去既呢間四姐私房菜係位於銅鑼灣同灣仔之間，四姐有兩間分店，一間比較近銅鑼灣，另一間就係銅鑼灣同灣仔之間就係今晚呢間。餐廳餐牌:餐廳係私房菜既關係，餐廳形式係按人頭，例如兩個人既話就係兩款涼菜，三款熱菜再加一牒油麥菜，姐係total 6牒。食物既選擇都唔少，涼菜同熱菜都有好多款可以選擇，望到餐牌之後會覺得好想多d人一齊黎食，咁樣先可以試到多d野食。五香滷牛肉:作為第一個前菜，我覺得五香滷牛肉係超正，因為滷牛肉被切成薄片，口感好味之餘仲要質感岩岩好，唔會覺得好硬，另外仲有配搭一個香粉，唔會覺得辣，反而覺得好惹味，一份五香滷牛肉既份量都算幾多，不過因為太好味關係，我同朋友都極快食哂。重慶口水雞:另一個涼菜我地揀左重慶口水雞，朋友去親譚仔都會叫既小食，佢話食得川菜一定要食口水雞，四姐既口水雞幾惹味，麻味幾重，辣油都落得幾多，雞質感好嫩，啖啖肉之選。川式椒鹽蝦:第一款黎既熱菜係川式椒鹽蝦，呢個係成晚我最鍾意既熱盤，蝦既份量大概十幾
餐廳餐牌:
餐廳係私房菜既關係，餐廳形式係按人頭，例如兩個人既話就係兩款涼菜，三款熱菜再加一牒油麥菜，姐係total 6牒。食物既選擇都唔少，涼菜同熱菜都有好多款可以選擇，望到餐牌之後會覺得好想多d人一齊黎食，咁樣先可以試到多d野食。
五香滷牛肉:
作為第一個前菜，我覺得五香滷牛肉係超正，因為滷牛肉被切成薄片，口感好味之餘仲要質感岩岩好，唔會覺得好硬，另外仲有配搭一個香粉，唔會覺得辣，反而覺得好惹味，一份五香滷牛肉既份量都算幾多，不過因為太好味關係，我同朋友都極快食哂。
重慶口水雞:另一個涼菜我地揀左重慶口水雞，朋友去親譚仔都會叫既小食，佢話食得川菜一定要食口水雞，四姐既口水雞幾惹味，麻味幾重，辣油都落得幾多，雞質感好嫩，啖啖肉之選。
川式椒鹽蝦:第一款黎既熱菜係川式椒鹽蝦，呢個係成晚我最鍾意既熱盤，蝦既份量大概十幾隻左右，每一隻都炸到金黃色，成隻蝦可以放入口咀嚼，椒鹽味超正，重點係每一隻都有膏，真係好正，我認為係四姐既必食之選。
糖醋里脊:第二份黎既熱盤係糖醋里脊，甜甜酸酸超開胃，重點係肉既比例好高，出面食糖醋里脊會覺得好多粉，成得唔過癮，呢到係味道100分，肉感100分，配個白飯真係一樓，作為第二款黎既熱菜，真心覺得好正。
招牌重慶水煮魚:作為四姐私房菜既招牌，點可以唔試重慶水煮魚，呢到既重慶水煮魚真係不得了， 咁大盤仲感覺到入面既滾油，麻味超香，底部仲有d薯粉，成件事真係好正。不過最正既位係d水煮魚真係好滑，仲要份量好多，啖啖肉又無骨，簡直係人間一大享受。
油麥菜:
食完幾款涼菜同熱菜都真係需要一款菜類幫幫忙，幫助消化下都好，呢到既油麥菜係好香，絕對唔油，食落清清地咁幾唔錯。
張貼
