影片
更多
2021-10-07
2331 瀏覽
🎁承蒙各位豬朋狗友嘅愛戴，熊妹生日飯食到九月都仲食緊，今次輪到瑪姬皇后出場。📌今次同親瑪姬皇后呢隻昔日嘅high tea腳，就梗係以high tea來慶祝啦。📌熊妹high tea，食咗咁多年，多間大大小小著名酒店嘅high tea都試過，又真係未食過鼎鼎大名的《四季酒店》，絕對適合成為今次慶祝嘅地方。📌來到《四季酒店》的大堂，門口擺放著一部高級典雅的黑色三角琴，貴氣逼人。📌大堂嘅裝潢以淨色簡潔為主，光鮮亮麗。環境地方好寬敞，樓底好高，一啲壓迫感都冇，完全可以好休閒好輕鬆地嘆個下午茶，享受一個下午時光。📌窗口位望出去雖然係公路，但係晴朗的天氣，藍天白雲的景色，加上柔和的陽光慢慢滲入大堂內，令成個氣氛都變得生氣勃勃。📌經典下午茶包括四款鹹點、四款甜點同兩款鬆餅，平日$658兩位加一。📌飲品包咖啡或茶，有一系列嘅四季茶款任君選擇，真是花多眼亂。Afternoon Tea Set經典嘅三層下午茶出場啦！用上經典嘅三層下午茶圓架，擺放着三碟下午茶小食，分別上層係甜點層，中層係鬆餅層，下層係鹹點層，層次分明。上層-甜點層黑加倫子栗子忌廉泡芙的的骰骰嘅一粒泡芙仔，黑加倫子係講緊泡芙嘅脆皮係黑加侖子
📌今次同親瑪姬皇后呢隻昔日嘅high tea腳，就梗係以high tea來慶祝啦。
📌熊妹high tea，食咗咁多年，多間大大小小著名酒店嘅high tea都試過，又真係未食過鼎鼎大名的《四季酒店》，絕對適合成為今次慶祝嘅地方。📌來到《四季酒店》的大堂，門口擺放著一部高級典雅的黑色三角琴，貴氣逼人。
📌大堂嘅裝潢以淨色簡潔為主，光鮮亮麗。環境地方好寬敞，樓底好高，一啲壓迫感都冇，完全可以好休閒好輕鬆地嘆個下午茶，享受一個下午時光。
📌窗口位望出去雖然係公路，但係晴朗的天氣，藍天白雲的景色，加上柔和的陽光慢慢滲入大堂內，令成個氣氛都變得生氣勃勃。
📌經典下午茶包括四款鹹點、四款甜點同兩款鬆餅，平日$658兩位加一。
📌飲品包咖啡或茶，有一系列嘅四季茶款任君選擇，真是花多眼亂。
Afternoon Tea Set
$658
161 瀏覽
0 讚好
0 留言
經典嘅三層下午茶出場啦！用上經典嘅三層下午茶圓架，擺放着三碟下午茶小食，分別上層係甜點層，中層係鬆餅層，下層係鹹點層，層次分明。
上層
113 瀏覽
0 讚好
0 留言
黑加倫子栗子忌廉泡芙
的的骰骰嘅一粒泡芙仔，黑加倫子係講緊泡芙嘅脆皮係黑加侖子味，內裏用上栗子忌廉做泡芙軟心，開頭擔心兩者嘅味道會唔會唔係好夾，不過食落去味道唔算好出，唔係好甜。
無花果紅桑子榛子杏仁蛋糕
熊妹最鍾意食酸酸嘢，呢個杏仁蛋糕外皮包着紅桑子嘅朱古力脆皮，入邊仲有粒粒榛子碎粒，食落酸酸甜甜，杏仁蛋糕嘅質感就軟軟濕濕，味道幾好嘅一款甜點小食。
柑橘朱古力撻
柑橘就不嬲配撘朱古力，柑橘其實即係一片橘子，擺上喺朱古力撻上面，鮮甜多汁嘅橘子同帶點苦澀味嘅黑朱古力撻，更能掛出橘子嘅味道。
威廉斯梨法式杏仁餅
特別喎！不嬲都係以圓形形式呈現嘅馬卡龍，呢度係造成一個啤梨形架🍐，仲要係青色，真係做得似模似樣喎。
唔甜喎蛋白餅好鬆脆，夾心果醬薄薄地一層，做得非常精緻的一件法式甜點！
中層
91 瀏覽
0 讚好
0 留言
又係熊妹下午茶茶點中最鍾意食嘅鬆餅啦！有兩款口味，原味牛油味同埋提子乾味，每款都有兩件，四件都好大一件，好似個饅頭咁大，絕對唔可以稱得上係小食，熊妹即刻心心眼左。
牛油鬆餅真係絕對係好鬆化，咩叫外脆內軟，可以係呢件鬆餅找出答案。首先鬆餅真係好大一件，咁大一件可以有好多空間令到外層焗得好鬆化，然後再保留內裏鬆餅嘅軟化，材料嘅比例，牛油同麵粉混合嘅程度及焗爐火候嘅溫度同時間，都拿捏得恰到好處，先可以達到如似嘅境界，熊妹食過好多間著名酒店嘅招牌鬆餅，《四季酒店》呢個質感絕對真係稱得上數一數二。
仲要有跟上嘅clotted cream同埋士多啤梨果醬，都係配合鬆餅一流嘅拍擋。Clotted cream做得好綿滑，熊妹依然都係鍾意配搭clotted cream，淡淡嘅忌廉牛油香味連帶牛油鬆餅嘅牛油味，變成雙重牛油味，但味道又不同，更香更美味。
下層
86 瀏覽
0 讚好
0 留言
意式松露蛋餅配風乾火腿、藏紅花蛋黃醬香草麵包三文治
材料望落就似係一件腿蛋治，但用上嘅係上等嘅材料。
花形嘅蛋餅細細粒粒，細粒到變成本身細粒的松露再磨碎左，味道唔係好出，火腿鹹鹹地好薄一片，香草麵包味道濃烈，三樣材料夾埋一齊食就變成係上等嘅腿蛋治。
刁草三文魚醬伴海蘆筍及威化薄片
三文魚醬同蘆筍撈埋一齊，鹹鹹地放喺一塊無味的脆片上面，簡單的小食。
西洋菜及忌廉芝士青瓜三文治
三層麵包的三文治，中間夾雜著青瓜粒、西洋菜碎同忌廉芝士，好爽口，好清新，好經典的一款三文治。
青豆鷹嘴豆泥撻伴醃椰菜花及南瓜籽
青豆、椰菜花、南瓜籽打成蓉，就係一堆纖維素，好少可下午茶茶點有咁健康食品。
Afternoon Tea Set
693 瀏覽
1 讚好
0 留言
張貼
