影片
更多
2017-07-07
45 瀏覽
紅磡多嘢食就係人都知嘅再加埋而家黃埔通左車咁就喺呢度越嚟越方便 今次呢就去咗一間喺紅磡(其實佢近土瓜灣啲嘅) 一間新開火鍋小菜店 呢間火鍋店佢嘅特色就係一個海鮮鍋放題所以今次特登要來試一試啦! 環境都幾闊落仲有電視睇~ 睇咗餐牌我哋就決定梗係要試一試呢個海鮮放題鍋$208 包一個鍋(三款選擇 + 一個海鮮拼盤+一盤菜+安格斯肥牛片+一round任點火鍋配料) 最後根本已經唔會再點到任點紙嘅菜因為已經太飽喇 ...一坐到去店員俾一個爐我哋 頭一輪既鍋 有三款第一款係火焰台山五味醉鍋但係就要再加＄30 另外呢就係火焰魚窩，仲有龍穿鳳即係胡椒海蝦雞窩，因為媽媽鍾意食魚所以我地選擇火焰魚鍋！等緊窩嘅同時店員亦都攞咗火鍋醬料畀我地 除咗豉油蔥蒜等仲有一個牛肉醬 吖又幾好味～冇幾耐火焰魚鍋亦都上到嚟啦 好大份! 鍋裏邊除咗魚之外亦都有大量嘅白菜仔同埋豆腐卜 跟住店員會倒啲火酒上去之後再用火燒一陣然之後就可以食啦而成餐主菜海鮮拼盤都跟住上場喇! 你個海鮮拼盤不得了好豐富有龍蝦蜆青口鮑魚同埋蝦 全部海鮮都好新鮮上嚟嘅時候仲跳下跳下鮑魚仲郁下郁下! 對唔住喇依家要一獲熟食晒你哋啦～鮑魚同大蜆都好新鮮 龍
呢間火鍋店佢嘅特色就係一個海鮮鍋放題所以今次特登要來試一試啦!
環境都幾闊落仲有電視睇~ 睇咗餐牌我哋就決定梗係要試一試呢個海鮮放題鍋$208 包一個鍋(三款選擇 + 一個海鮮拼盤+一盤菜+安格斯肥牛片+一round任點火鍋配料)
最後根本已經唔會再點到任點紙嘅菜因為已經太飽喇 ...
一坐到去店員俾一個爐我哋 頭一輪既鍋 有三款第一款係火焰台山五味醉鍋但係就要再加＄30 另外呢就係火焰魚窩，仲有龍穿鳳即係胡椒海蝦雞窩，因為媽媽鍾意食魚所以我地選擇火焰魚鍋！
等緊窩嘅同時店員亦都攞咗火鍋醬料畀我地 除咗豉油蔥蒜等仲有一個牛肉醬 吖又幾好味～
冇幾耐火焰魚鍋亦都上到嚟啦 好大份! 鍋裏邊除咗魚之外亦都有大量嘅白菜仔同埋豆腐卜 跟住店員會倒啲火酒上去之後再用火燒一陣然之後就可以食啦
而成餐主菜海鮮拼盤都跟住上場喇! 你個海鮮拼盤不得了好豐富有龍蝦蜆青口鮑魚同埋蝦 全部海鮮都好新鮮上嚟嘅時候仲跳下跳下鮑魚仲郁下郁下!
對唔住喇依家要一獲熟食晒你哋啦～
鮑魚同大蜆都好新鮮
龍蝦肉入口彈牙 讚讚
之後再食埋佢嘅安格斯牛肉，牛肉薄切，入口好濃濃牛香味肉質軟稔
仲有好多菜! 食到末段，我同媽媽都大叫投降....所以已經完全放棄最後一round任點紙知上面嘅食物... 真係二百蚊食到捧住個肚走 唯一美中不足嘅係飲品上面只係得汽水選擇如果選擇多啲就更加好啦!
張貼
