小時光 (已結業)

今日去左觀塘搵食，美中不足係落雨。呢間真係好有驚喜，不過個位有點兒隱瞞，唔拉開度門都唔知佢係間餐廳。當你見到呢個M&M 紅色朱古力，就證明你揾啱左地方喇。入到去真係好似返去十幾廿年前咁，返小學嗰時嘅格局，如其名小時光。好欣賞佢呢個好簡單又好有氣氛嘅裝修，我覺得好似返緊學而放緊食晏時間。水同汁醬係自助形式，水只有冰水，如果要熱水就要問店員攞。野食我叫左麻辣雞絲伴麵+蘋果綠茶。伴麵好有驚喜係綠色嘅菠菜麵。份量正常，辣道啱啱好。不過如果綠茶可以走甜就好喇～仲有其他野想試，個人好鍾意呢間餐廳。疫情限聚令關係，人唔多，所以靜靜地，成個環境係舒服，唔嘈。大家都可以黎試下，揾返兒時小學讀書嘅時光。