甜品堂 (已結業)

食完巴依之後，轉落第三街食個糖水。以課室為主題既糖水店，對我黎說，主題唔主題真係唔打緊，食物才是皇道，又試試這裡的。芒果王國，係芒果加芒果布甸加芒果雪糕。芒果還可以的，布甸就幾家庭式，未算軟滑，不過就尚算香濃，雪糕本身質素有限，個芒果味假假地。這款不算有什麼特色，只係較為適合芒果精。腐竹糖水，腐竹都算溶，薏米就少了點，清甜方面，偏向清，水準都唔錯的。梳乎里，幾挺身，唔會一影完相就開始散，正常軟滑的梳乎里。Apple Crumble，一睇賣相都覺得焗得唔錯，面頭烘烘地，不過個皮就食落未算鬆脆，可以更好的，蘋果蓉唔係一份死甜，反而做得不錯。這款反而幾ok。係有返咁上下水準，都幾唔錯的地方。