95
23
8
等級1
1
0
～回到過去的味道☺️
2015-07-26 2069 瀏覽
第一次食有緣小聚係喺佢舊鋪，食過一次覺得唔錯就得閑都會番去食吓 我特別鐘意食佢哋嘅番茄蛋面因為番茄味好濃但係前幾次去食嗰時 都覺得個味道唔同咗 淡咗 所以就改食其它。 今日經過門口嗰時企左係出面喺度諗~「啊～入唔入到去食好呢～食啲咩好呢」嘅時候老闆娘來出嚟同我打招呼，問我「今日食唔食蕃茄蛋麵呀～我記得你要走葱，你等一等就有位」見佢出嚟同我傾計 就同佢講我依家冇食番茄蛋麵啦，覺得個味道唔同咗，可能你哋改咗做法?!...老闆娘表示得好緊張好認真咁同我講，你再入嚟食吓，我煮俾你食 睇下有冇唔同到！見老闆娘咁講 就入去試多次。。。果然！有佢煮出黎既呢碗 有回到過去嘅感覺！係我食完之時 老闆娘亦黎做個check back! 佢話番茄蛋麵係要落成隻蕃茄 先夠味！點知廚房啲人幫佢落得半隻，講到佢嬲嬲哋...佢仲話 份量整出嚟好味嘅 點會改呢，要改都係改得好味D，仲拜託我，如果覺得啲嘢食唔好味一定要話佢聽講真，依家香港地，一間餐廳旺少少 啲工作人員或者老闆 都唔會理啲客人覺得點 反正你唔黎食都仲有大把人嚟食。 其實呢間店咁多人去食，同樣 多我一個唔多，少我一個唔少，佢哋做到而家都會為左～希望我會繼續去
更多

第一次食有緣小聚係喺佢舊鋪，食過一次覺得唔錯就得閑都會番去食吓 我特別鐘意食佢哋嘅番茄蛋面因為番茄味好濃
但係前幾次去食嗰時 都覺得個味道唔同咗 淡咗 所以就改食其它。 
今日經過門口嗰時企左係出面喺度諗~「啊～入唔入到去食好呢～食啲咩好呢」嘅時候老闆娘來出嚟同我打招呼，問我「今日食唔食蕃茄蛋麵呀～我記得你要走葱，你等一等就有位」
見佢出嚟同我傾計 就同佢講我依家冇食番茄蛋麵啦，覺得個味道唔同咗，可能你哋改咗做法?!...
老闆娘表示得好緊張好認真咁同我講，你再入嚟食吓，我煮俾你食 睇下有冇唔同到！見老闆娘咁講 就入去試多次。。。
果然！有佢煮出黎既呢碗 有回到過去嘅感覺！
係我食完之時 老闆娘亦黎做個check back! 
佢話番茄蛋麵係要落成隻蕃茄 先夠味！點知廚房啲人幫佢落得半隻，講到佢嬲嬲哋...佢仲話 份量整出嚟好味嘅 點會改呢，要改都係改得好味D，仲拜託我，如果覺得啲嘢食唔好味一定要話佢聽

講真，依家香港地，一間餐廳旺少少 啲工作人員或者老闆 都唔會理啲客人覺得點 反正你唔黎食都仲有大把人嚟食。 
其實呢間店咁多人去食，同樣 多我一個唔多，少我一個唔少，佢哋做到而家都會為左～希望我會繼續去而關注我既意見 真係覺得好溫馨。
我覺得呢間店嘅老闆好幸福因為老闆娘好識做❤️
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐途徑
    堂食
    推介美食
    • 番茄蛋麵