影片
更多
2013-08-19
194 瀏覽
自從做左油塘新抱，就少左機會幫襯荃灣”嘉樂”，早排書展有本書係介紹夫婦檔，其中一個chapter就係介紹荃灣”嘉樂”倆公婆打江山的故事，令我戚起條根好想食。早幾個星期機會來啦！過開荃灣做野有機會食late lunch，其時周三下午2時半，但都要等5分鐘左右，一條友好快就有位。1)叫左一碗”牛腩雞翼米線” HK$3X (唔記得幾多錢)，牛腩好淋，唔會有渣，但亮點係”鹵水雞翼”，鹵水包裹充份滲入雞皮雞肉，雞肉卻仍保持嫩滑，脹卜卜，美味！2)再來當然係心水熱奶茶，今日杯茶多到滿溢，茶和奶的比例適中，好飲！3)見傍邊的客人食得咁開心，叫多左一件鹵豆腐，因為好耐都無食啦！侍應阿姐仲要SELL我話即刻鹵，要等耐少少，嘻嘻！我知道呀，我係舊街坊啦。碗米線食左大半，件豆腐就來啦，豆腐傍邊放左少少桂林辣椒醬，唔係太”啃”的辣味，沾豆腐食就剛剛好！得閒再幫襯過，因為這類家庭式一腳踢茶餐廳，所有野食都係老闆夫婦倆同少量親戚經營，買少見少，食了滿足的一餐，又有力氣回工作崗位啦！
1)叫左一碗”牛腩雞翼米線” HK$3X (唔記得幾多錢)，牛腩好淋，唔會有渣，但亮點係”鹵水雞翼”，鹵水包裹充份滲入雞皮雞肉，雞肉卻仍保持嫩滑，脹卜卜，美味！
2)再來當然係心水熱奶茶，今日杯茶多到滿溢，茶和奶的比例適中，好飲！
3)見傍邊的客人食得咁開心，叫多左一件鹵豆腐，因為好耐都無食啦！侍應阿姐仲要SELL我話即刻鹵，要等耐少少，嘻嘻！我知道呀，我係舊街坊啦。碗米線食左大半，件豆腐就來啦，豆腐傍邊放左少少桂林辣椒醬，唔係太”啃”的辣味，沾豆腐食就剛剛好！
得閒再幫襯過，因為這類家庭式一腳踢茶餐廳，所有野食都係老闆夫婦倆同少量親戚經營，買少見少，食了滿足的一餐，又有力氣回工作崗位啦！
張貼
