果子｜海南雞飯·喇沙摻摻 (啟昌樓) (已結業)

今日黎大埔依頭行街，見到依間果子主打星馬菜，一於入黎試下。 午市已經有唔少客人，非常熱鬧，仲有唔少人叫外賣添。環境唔錯好舒適，一啲都唔屈質。 海南雞喇沙摻摻，海南雞好嫩滑，雞皮好彈滑，每一件都好有肉量，而喇沙摻摻嘅湯底非常濃郁，好重椰香味，仲配埋雞蛋同魚片添，好實惠！ 肉骨茶飯，肉骨茶好重藥材味，每一啖都係精華，有3-4件豬骨，都滲滿湯味，泡飯一齊食一流~ 另外仲可以加配小食，南乳雞翼真心推薦，平時係屋企都煮唔到，而沙嗲雞肉串燒嘅沙嗲味好香，炭焦味可以再多啲xd。 最後嘅餐飲除咗有普通嘅飲品外，居然仲有好多款台式飲品，真係估唔到。依杯係黑糖珍珠奶茶，味道可以媲美外面嘅台式飲品鋪，珍珠口感QQ, 奶茶味好香濃。