夜。鐵板燒

每次食鐵板燒都會好期待🙈親眼見住廚師喺面前烹調，感覺啲食物會特別好食啲😆今餐嘅食物非常豐富，每人有5款主菜，另外再有前菜、刺身、甜品等，好完整嘅一個鐵板燒套餐👍🏻首先店員送上前菜同刺身～👉🏻螢光魷魚細細粒，好彈牙，好啱餐前食😋👉🏻龍蝦刺身肉質鮮嫩，味道鮮甜無比，做刺身真係一流主菜嚟啦，廚師一邊烹調一邊向我哋講解食材嘅產地同食法，好專業👏🏻👉🏻南非鮑魚軟腍有咬口，廚師話唔需要燒太耐，半生半熟嘅狀態就最正🥰👉🏻阿拉斯加鱈場蟹好長好大條💗成條都好鮮甜，一絲絲嘅蟹肉食落真係好爽🤟🏼👉🏻蘇格蘭蟶子王有嚼勁，肥嘟嘟好大嚿肉😋最後食埋日本蜜瓜同甜品，為今餐畫上完美嘅句號💗