漲格重慶老火鍋 (已結業)

天氣轉涼，見到尖沙咀又有間新嘅火鍋店開，仲要係有名氣嘅漲格，緊係去試下啦！首先會奉上4盅調味料比你落，加罐芝麻油。湯底叫左蟲草花花膠雞湯，個鍋比想像中大好多！個湯一黎到就聞到勁香，亦都好足料！有半隻雞，雞味濃，肉亦都嫩滑。我地3個人食，每人都食到3隻花膠左右。個湯真係好好飲，飲落好舒服好濃郁，我都數唔清自己飲左幾多碗～每次火鍋都要食寬粉，飲埋湯好享受。鮮炸響鈴，放入湯幾秒拎上黎即食，吸哂湯嘅精華，極鮮！墨魚滑好彈牙～麻辣鮮肉餃好正，雖然都算辣，但食落口好刺激，比較特別。