陳春記

營業中

休息中

以前可以隨意搵到嘅美食到依家就變成懷舊美食。 去皇后街市除咗幫趁曾記嘅粿同蠔仔餅外，每次都會去隔離陳春記叫碗淨豬雜湯， 去大排檔、熟食檔嘅特色就係可喺一間舖叫完食物坐低都可以叫其他舖頭食物。豬雜湯可叫細碗或大碗，淨食或連粉麵。兩、三個人share大碗剛好，一年四季去食都會碰到西洋菜墊底，湯非常清淅有淡淡西洋菜、胡椒、麻油味， 專門做豬雜當然唔會令人失望啦，肺、肚、粉腸、脷用新鮮貨，全部清潔得乾乾淨淨絶無異味亦都無漂過或'娜'過，質地軟熟唔似急凍貨色硬涁涁。 每碗價錢都低三、四十，但係製造就落足心機，誠意十足。