阿爺燒鵝餐室 (已結業)

今日去筲箕灣工聯會睇家具，晚餐想食中式野，經過呢間阿爺燒鵝差不多坐滿了人，決定今晚搵阿爺燒鵝衣飽我個肚。我點了邪惡金蛋叉燒飯，原本唔知邪惡金蛋有咩咁邪惡，原來係鹹蛋黃炒滑蛋，新加坡的鹹蛋魚皮就食得多，沒想到鹹蛋炒蛋原來咁夾，每一口的滑蛋都充斥著鹹蛋粒，係會食上癮架！叉燒份量不少，我怕肥，點了瘦叉，瘦叉都夠林。另外叫了三寶飯，即燒鵝、油雞、燒腩飯，油雞好滑，好夠味；燒鵝皮脆肉嫩；燒腩啲皮較厚身，沒有太多肥膏，怕肥人士都啱食。沒料到三寶飯個豉油有驚喜，淨係個豉油撈飯都已經好好味，送飯一流。合掌瓜雞腳湯好足料，有三大舊合掌瓜，雞腳煲到好林，筷子一夾立即碎開，我湯渣都食埋😄