Mee...lemongrass (將軍澳中心) (已結業)

放工去將軍澳站交收貨品後，決定去將軍澳中心睇下有咩食。行到餐廳前面被佢嘅宣傳牌吸引住，決定入去試下伏唔伏。坐低就叫了杯紅豆牛奶，一飲非常香奶味，原來係用3.6牛乳，正。主角上場，原隻波士頓龍蝦喇沙，龍蝦肉非常結實，咁嘅價錢，剩係食龍蝦已值回票價。食完喇沙，另外再叫了馬拉盞通菜肉骨茶，啲肉非常嫩滑，入口即溶。軟殼蟹米子卷，卷內除了蟹外，還有青，黃椒和芒果，口感十分清新。最後清哂所有食物，非常滿足。