嚐越 (已結業)

今日同M佬去到九龍灣德福廣場睇戲，睇完戲就見到呢間似曾相識嘅越南菜，A姐仲話那些年第一次食越南菜，應該就係嚐越。今日一於試試多年後嘅味道，睇吓有無重回初戀嘅感覺。法國牛油蒜蓉雞翼一般嘅越南菜都係牛油雞翼，呢到就加入咗蒜香，炸到金黃色嘅雞翼上面鋪上大量嘅炸蒜，令味道更有層次，炸得香脆可口，仲有淡淡嘅牛油香，夠晒惹味。越式燒豬頸肉豬頸肉夠厚身，食落好有口感，仲帶有陣陣嘅香茅味，唔錯。鮮黃牛脊湯金邊粉配料有牛脊肉、白蘿蔔、金不換、芽菜同洋蔥，夠晒足料。而湯底有淡淡嘅牛肉清香，再加埋青檸汁同辣椒，成個味更加提升，牛脊肉夠軟腍，牛肉味濃。原個菠蘿咖喱海鮮炒飯菠蘿炒飯就食得多，呢個就加入咗咖哩味，味道即刻更有層次。炒飯夠鑊氣，配料有蝦、肉鬆同菠蘿等等，夠晒飽肚。