十六座車仔麵

營業中

休息中

16座車仔麵係以前舊秀茂坪16座，令小編想起小時候喺藍田住嗰陣，喺大排檔食嘅車仔麵，以前舊式嘅公屋係以坐數嚟分嘅， 16座剛好就係小編喺藍田就讀嘅幼稚園嘅位置，所以對16座非常之有親切感。食店嘅裝修都有用返舊日公屋排檔設計， 大黑板旁邊嘅傳遞食物窗口上面， 16座字眼嘅設計係昔日公屋大廈外牆嘅模樣，真係好令人懷念~嚟到食車仔麵，揀嘅餸一定唔少得，豬紅、豬皮、豬腸、蘿蔔… 豬紅嘅味道值得一讚，去咗咁多間嘅車仔麵，暫時只有16座呢度最好味 豬腸、豬皮、蘿蔔都好入味，蘿蔔炆到好淋。金沙青係每日限量嘅，味道好好肉質好淋。雞翼都炆到好淋好入味，肉質嫩滑。豆漿味道好似維他奶。牛腩汁湯底都非常之好。