椰子日記 (已結業)

今日去油麻地 ，見到有間專賣椰子系列甜品嘅店舖就入咗去試，我哋叫咗招牌原味椰凍，冰島藍椰子碗，同埋椰奶藍水晶一杯。先講招牌原味椰凍。係用原隻椰子殼裝住，絕對係影相打卡之選，裏面嘅椰子布甸好有清新感覺，同埋食得出有好多椰香味，絕對係夏日消暑之選，而冰島藍椰子碗上面鋪滿咗香蕉，菠蘿，同埋藍莓各種夏日消暑嘅生果，裏面好似有橙味嘅冰沙，其實成碗都色彩繽紛，影相呃like絕對唔少得。最後提係椰奶藍水晶，入面嘅鮮椰汁溝埋啲藍色仙草，每一啖飲落去都有消暑同埋好fresh嘅感覺，下次嚟我一定要試埋其他嘅椰子飲品，奶凍又或者試埋佢哋嘅仙果乳酸菌系列！