小籠家族 (已結業)

行在人來人往的街道中，突然回憶起上海的味道，提醒緊自己好耐都無食上海菜啦，於是就搵到這間小籠家族來回味下，點完菜才發現我地叫嘅都唔係經典嘅上海菜，不過唔緊要啦，好味就得啦。乾煸四季豆：任何食物乾煸過都一定好食噶啦。但佢唔會煮得過火，食落都爽口，肉碎都有調味，有啲咸香味，幾好送飯。家族海鮮炒飯：大大碟又足料，唔錯。招牌口水雞：以為只是一小份，點知都幾大份下，醬汁調味唔錯，仲有香蔥和花生碎鋪係面，肉質滑嫩，食落好香。手拍小黃瓜：夏日必點嘅清新涼菜！我去邊度食飯都好，見到MENU有手拍黃瓜一定揀。手拍青瓜真係間間餐廳都可以整到唔同味，因為切到唔同size同埋調味的唔同都會影響味道和口感。呢隻特色就係有好多芝麻，食落會香口啲。我地仲加啲口水雞嘅汁落去，有啲麻辣香就更加好味啦！流沙煎堆：我係見好耐都無食過煎堆，以前細個過年返鄉下早餐好似有食過，叫一份嚟懷念下兒時的味道。食落熱辣辣，煙韌又香酥。